Kryeministri i Kosovës, Albin Kurti sot në njëvjetorin e sulmit terrorist në Banjskë ka përkujtuar heroin, Afrim Bunjakun.
Kurti ka thënë se kurrë nuk do ta harrojnë sakrificën e heroit, Afrim Bunjaku që humbi jetën duke mbrojtur sovranitetin dhe integritetin e Kosovës.
Kurti përmes një postimi në Facebook, ka përmendur vendimet e marra në mbledhjen e Qeverisë së Kosovës, ndër të cilat edhe emërtimin e rrugës rajonale R-217 segmenti: Ballaban – Banjskë, me emrin e Heroit të Republikës së Kosovës “Afrim Bunjaku”, raporton teve1.info
“Në mbledhjen e 221-të të Qeverisë, ndër vendimet tona kryesore ishte emërtimi i Rrugës Rajonale R-217 segmenti: Ballaban – Banjskë, me emrin e Heroit të Republikës së Kosovës ‘Afrim Bunjaku’. Në njëvjetorin e sulmit terrorist dhe paramilitar kundër vendit tonë në Banjskë të Zveçanit, nderojmë e kurrë nuk harrojmë sakrificën e heroit, rreshterit Afrim Bunjaku, që humbi jetën duke mbrojtur sovranitetin dhe integritetin territorial të Republikës së Kosovës”, ka thënë Kurti.
Ndryshe, sot bëhen një vit nga sulmi terrorist në Banjskë.
Ky sulm ishte kryer nga grupi paraushtarak serb, i cili ishte i armatosur rëndë, ku mbet i vrarë rreshteri i Policisë së Kosovës, heroi – Afrim Bunjaku, raporton teve1.info
Incidenti ndodhi gjatë një periudhe tensionesh të shtuara pas vendosjes të katër kryetarëve të komunave në komunat me shumicë serbe në maj të vitit 2023 pas bojkotimit të zgjedhjeve nga serbët e Kosovës dhe dështimit të bisedimeve për marrëveshjen e sponsorizuar nga Bashkimi Evropian ndërmjet Kosovës e Serbisë.
Sot mbahen homazhe e akademi përkujtimore në përvjetorin e vrasjes së Afrim Bunjakut
