Kryeministri i Kosovës, Albin Kurti e ka kujtuar Mujë Krasniqin dhe 41 ushtarët e tij në 26-vjetorin e rënies së tyre.
Në një postim në Facebook, ai ka thënë se duke i kujtuar çdo vit në përvjetorët e tyre të përjetësimit, historitë e tyre i institucionalizojmë në vlerat e shtetit, rezultat i sakrificës së tyre.
“Jetëshkrimet e secilit dëshmor të lirisë janë burime të historisë moderne të Kosovës, sepse me veprat e tyre, ata e kanë bërë vet këtë histori. Rëniet e dëshmorëve në luftën për lirinë e Kosovës, janë stacione përkujtimi dhe reflektimi për kultivimin dhe mirëmbajtjen e angazhimit tonë të përditshëm për fuqizimin e kësaj lirie. Andaj sot, 26 vjet më pas, i kujtojmë 41 dëshmorët në krye me Mujë Krasniqin – Kapuçin, të rënë më 14 dhjetor 1998, në përballje me ushtrinë serbe te Likenet e Hasit në Gorozhup të Pashtrikut”, ka thënë Kurti.
