Kështu i përshkruan kryeministri Albin Kurti katër kryetarët e rinj shqiptarë në komunat veriore të Kosovës.
Këtë deklaratë Kurti bëri në Bruksel pas takimit me presidentin serb, Aleksandar Vuqiq.
Kryeministri tha se kryetarët shqiptarët nuk duhet të tregojnë triumfalizëm.
E ndaj kësaj deklarate ka reaguar kryetari i ri i Komunës së Zubin Potoku nga PDK-ja, Izmir Zeqiri.
Zeqiri i cili është zgjedhur kryetar më 196 vota, thotë se ndjehet njëjtë sikurse udhëheqësit e komunave tjera të Kosovës.
Ndërsa këto deklarata nuk i ka komentuar, kryetari i Leposaviqit, Lulezim Hetemi i cili vjen nga radhët e partisë në pushtet.
“Nuk mundem t’i komentoj unë deklaratat e kryeministrit. Na lini të qetë ju lutem dhe pyeten ju kryeministrin se çka ka dashur të thotë”, tha ai.
Edhe në takimin e së martës në Bruksel, u diskutua për zgjedhjet që u mbajtën së fundmi në veri të vendit. Shefi i Politikës së Jashtme të BE-së Josep Borrell, deklaroi se pjesëmarrja e ulët e votuesve tregon që këto zgjedhje nuk do të japin zgjidhje afatgjate.
Kronika e gazetares Doresa Geci.
