Kryeministri i Kosovës, Albin Kurti, ka thënë se është befasuese dhe një reagim i tepruar, vendimi i ShBA-së për ta ndëshkuar Kosovën pas përleshjeve të dhunshme në veri të Kosovës, ku lanë trupat e KFOR-it të plagosur.
“Ne kemi një ndryshim të vogël në qasje – dhe mendoj se të menduarit për sanksione kundër Kosovës duket jashtë proporcionit dhe i padrejtë”, tha Kurti në një intervistë në margjinat e konferencës GLOBSEC në Bratislavë.
“Isha i befasuar”, shtoi Kurti, duke e karakterizuar përgjigjen amerikane si një “reagim të tepruar”.
Kryeministri i vendit, ka insistuar se forcat policore janë duke qëndruar në vend.
Ndërkohë, kryeministri fajësoi qeverinë e Serbisë për rritjen e fundit të tensioneve. Dhe i pyetur nëse ka frikë se situata aktuale mund të përshkallëzohet në një konflikt më të gjerë, Kurti paralajmëroi, “mundet”. Por, shtoi ai, kjo “varet” nga Beogradi.
Kurti ka treguar se do të ishte i gatshëm të bisedonte me Vuçiqin nëse organizohet një takim. Por kryeministri drejtoi gishtin edhe drejt kryeqyteteve perëndimore.
“Ajo që ne shohim nga Perëndimi demokratik është një qëndrim i caktuar qetësues,” tha ai. “Kjo është mënyra se si arritëm këtu”.
ShBA dhe aleatët e saj perëndimorë kanë qortuar ashpër Prishtinën mes tensioneve në rritje në rajon lidhur me vendimin e Kosovës për të instaluar me forcë kryebashkiakët shqiptarë etnikë në ndërtesat komunale në zonat me shumicë serbe. /teve1.info/
