Kryeministri i Kosovës, Albin Kurti ka thënë se gratë dhe vajzat në Kosovë kanë dhënë kontribut të madh në shkencë, por që sipas tij ky kontribut nuk është çmuar.
Ai këto komente i bërë në të hënën në konferencën STEMinists e organizuar nga Zyra e Kryeministrit.
“Përkundër barrierave, gratë dhe vajzat kanë dhënë kontribut të madh në fushat e shkencës, që përkundër kontributit kurrë nuk janë çmuar. Jo vetëm si feminist por edhe si steminist, është detyrë e jona që të punojmë për shtet”. Përtej përfitimit personal, ndikon në zgjidhje dhe zhvillim të teknologjisë dhe nxitje të rritjes së ekonomisë. Vajzat dhe gratë kanë qenë të përjashtuara historikisht nga shkenca, dhe në kohën kur konsiderohet si revolucion i katërt, gratë dhe vajzat duhet ta ndjekin ëndrrën e tyre. Përtej pabarazisë, mungesa e vajzave dhe grave është reale”, tha ai, raporton Ekonomia Online.
Kurti tha se kjo konferencë do të mundësojë rrjetëzimin e vajzave/grave në këto fusha, promovimin e fushave STEM në të gjitha nivelet e arsimit, si dhe krijimin e mundësive për punë praktike, mentorim e zhvillim profesional.
