Kurti në Mitrovicë u bën thirrje qytetarëve për mobilizim të plotë në votime
Kryetari i Lëvizjes Vetëvendosje, Albin Kurti, ka kërkuar angazhim maksimal nga përkrahësit e tij në prag të raundit të dytë të zgjedhjeve lokale, duke u bërë thirrje qytetarëve që të sigurohen se çdo anëtar i familjes e shfrytëzon të drejtën e votës.
Gjatë tubimit përmbyllës në Mitrovicë, ku ka mbështetur kandidatin e VV-së për kryetar komune, Faton Pecin, Kurti theksoi rëndësinë e pjesëmarrjes së gjerë në votime, duke paralajmëruar se qëndrimi në shtëpi mund të ndikojë në rezultatin përfundimtar.
Ai theksoi se çdo votë është vendimtare dhe bëri apel që secila familje të marrë pjesë plotësisht në zgjedhje.
“Prandaj në këtë ditë historike, ju lutem, kontrolloni që të gjithë a kanë votu krejt hallat, krejt tezet, dajt, axhallart, krejt nipa e mesa, kushëri të afërt e të largët, krejt shoqet e shokët, të shkollës fillore e të mesme, në fakultet, të mahallës së re e të vjetër. Krejt duhet të votojnë”, ka thënë ai. /teve1.info/
