Përmes një postimi në Facebook, Kurti ka kërkuar nga organet e rendit dhe hetuesisë që t’i vënë para drejtësisë sa më shpejt personat e dyshuar.
“Dënim meritor për dhunuesit e vajzës 11 vjeçare. Kërkoj nga organet e rendit dhe të hetuesisë që të vënë personat e dyshuar sa më shpejtë para drejtësisë, e që kryrësit të marrin dënimin meritor për këtë vepër kaq të rëndë e tronditëse, të dënueshme e të papranueshme”, shkroi ndër tjerash ai.
Kurti u shpreh se akte të tilla brutale të dhunës ndaj fëmijëve duhet trajtuar me seriozitet të lartë në nivel institucional.
“Akte të këtilla brutale të dhunës ndaj fëmijëve, duhet të trajtohen me seriozitet të lartë, në nivel institucional por dhe në atë shoqëror e kulturor. Dhuna ndaj grave dhe vajzave nuk është çështje private, por çështje e sigurisë dhe mirëqenies, publike e sociale. Vajza e mitur duhet të marrë përkrahje institucionale dhe shoqërore, përkujdesje maksimale dhe adekuate, shëndetësore e psikologjike. Nuk duhet lejuar që asaj t’i vidhet fëmijëria e t’i rrënohet jeta. As asaj, e asnjë vajze tjetër”, shkroi tutje ai./teve1.info/
