Ministri në detyrë i Punëve të Brendshme, Xhelal Sveçla, të dielën ka bërë të ditur se kërcënimi për bombë i adresuar të shtunën ndaj Kuvendit të Kosovës është konfirmuar se origjinën e ka në Serbi.
Pas këtij lajmi ka reaguar kryeministri në detyrë, Albin Kurti, i cili i ka përgëzuar institucionet shtetërore për siç ka thënë ‘reagimin e shpejtë dhe profesional’.
Kurti ka theksuar se konfirmimi që ky sulm e ka origjinën në Serbi dëshmon edhe një herë luftën aktive hibride të Serbisë ndaj Kosovës.
“Përgëzoj institucionet shtetërore për reagimin e shpejtë dhe profesional. Konfirmimi se ky kërcënim e ka origjinën në Serbi dëshmon edhe një herë luftën aktive hibride të Serbisë ndaj vendit tonë”, ka shkruar ai në Facebook.
