Kryeministri i Republikës së Kosovës, Albin Kurti, ka pritur të premten në takim zëvendëspresidentin e kompanisë të prodhimit të automjeteve, KIA Europe, Jun Young Choi.
Kurti në këtë takim ishte i shoqëruar nga ministri i Financave, Punës dhe Transfereve, Hekuran Murati.
“Më këtë rast, kryeministri Kurti e njoftoi Jun për përkushtimin e Qeverisë së Kosovës në fuqizimin e zhvillimit ekonomik, potencialin e Kosovës për investime si dhe për klimën e favorshme në Kosovë për kompanitë ndërkombëtare”.
Siç thuhet në komunikatë për media tha se kompanitë si KIA janë të mirëseardhura për të investuar në Kosovë.
Poashtu, Kryeministri Kurti e njoftoi Jun për progresin e Kosovës në të gjithë fushat, mjedisin e përshtatshëm për biznes, progresin demokratik dhe ekonomik, sundimin e ligjit dhe për politikat e qëndrueshme ekonomike të cilat janë përparësi për investitorët e huaj.
“Kryeministri Kurti tha se gjatë këtyre dy viteve të qeverisjes, Kosova ka bërë rritje të theksuar ekonomike, rritje të të hyrave, eksporteve dhe investimet e huaja direkte. Gjatë takimit, kryeministri tha se Kosova nga organizatat dhe institucionet e rëndësishme ndërkombëtare është vlerësuar dhe ka shënuar progres në parametrat e sundimit të ligjit dhe të zhvillimit demokratik”.
Ai i ftoi drejtuesit e kësaj kompanie që të shqyrtojnë mundësitë që vendi ynë ofron për qëllimet dhe planet e kompanisë.
