Ai në një konferencë për media ka thënë se takimi ka qenë konstruktiv, pozitiv dhe i nevojshëm, shkruan teve1.info
“Takimi i djeshëm ka qenë një drekë pune me kryeministrin e Republikës së Shqipërisë, Edi Ramën dhe ka qenë një takim shumë i mirë konstruktiv, pozitiv dhe i nevojshëm për shkak të temave që i kemi diskutuar”, tha Kurti.
Tutje ai foli për tri temat kryesore që janë diskutuar në takimin në Shqipëri.
Kurti tha se tema e parë ka qenë siguria kibernetike, teksa shtoi se sulmet kibernetike të fundit ndaj Shqipërisë kanë qenë të dëmshme kriminale.
“E para është siguria kibernetike, kjo ka qenë tema e parë e diskutimit tonë dhe isha shumë i interesuar të marrë vesh sa më shumë për përvojen e tyre me sulmet e fundit që kanë qenë me të vërtetë shumë të dëmshme kriminale”, u shpreh ai.
Ndërsa sipas tij, tema e dytë ka qenë sfidat e energjisë dhe tema tretë takimi i Procesit të Berlinit që pritet të mbahet në fillim të nëntorit.
“Tema e dytë ka qenë sfidat e energjisë në javët e muajt në vijim në kuptimin e furnizimit të qëndrueshëm dhe të çmimeve të përballueshme ku ju e dini se KEK-u dhe KESH-u bashkëpunojnë ngushtë ne tash gjatë verës u kemi dhënë shumë energji elektike në Shqipëri në mënyrë që ata të na ndihmojnë neve pastaj gjatë dimrit dhe kemi distukuar për situatën energjetike në përgjithësi”, tha Kurti.
“Tema e tretë ka qenë përgatitjet në dritën e rifillimit të Procesit të Berlinit, kësaj radhe me kancelarin e ri gjerman Olaf Scholz sepse ju e dini që takimet e mëhershme në kuadër të Procesit të Berlinit janë bërë me zonjën Merkel e tashmë për herë të parë bëhet nga kancelari Scholz dhe ka shumë punë të ekipeve tona dhe shumë bashkëpunim paraprak drejt mbledhjes së radhës së Procesit të Berlinit”, deklaroi Kurti./teve1.info
