Kryeministri i Kosovës, Albin Kurti ka njoftuar për bisedën telefonike që ka zhvilluar me presidentin e Turqisë Rexhep Taijp Erdogan.
Kurti ka thënë se ka uruar për rizgjedhjen në krye të Turqisë si dhe kanë diskutuar për raportet ndërmjet dy vendeve.
Kryeministri ka bërë të ditur se kanë folur edhe për zhvillimet në veri, ku edhe ka shprehur shqetësimin për “dhunën e milicisë serbe kundër Policisë, KFOR-it dhe mediave”
“Në Republikën tonë pushteti mund të fitohet vetëm me votë – asnjëherë me dhunë”, ka shkruar Kurti në Twitter.
Në njoftimin e presidencës së Turqisë është bërë e ditur se Erdogan ka biseduar edhe me presidentin serb, Vuçiq ku kanë folur për zhvillimet në veri.
In a call w/ Pres. @RTErdogan I congratulated him on his re-election and discussed our good bilateral relations & current events. I relayed my concern about the Serb militia’s violence against Police, KFOR & media. In our Republic, power can be won only by vote—never by violence.
— Albin Kurti (@albinkurti) May 31, 2023
