Kryeministri i Kosovës, Albin Kurti, është shprehur i pikëlluar për ndarjen nga jeta të ambasadores së parë të Shteteve të Bashkuara të Kosovës në Kosovë, Tina Kaidanow.
Kryeministri Kurti nëpërmjet një postimi në platformën X, ka kujtuar takimin e parë me të në vitin 1998 dhe ka thënë se Kosova është mirënjohëse për shërbimin e saj.
“Isha thellësisht i pikëlluar kur dëgjova për ndarjen nga jeta të ambasadores Tina Kaidanow. Mbaj mend që e takova personalisht në vitin 1998, dhe dhjetë vjet më vonë, ajo u bë ambasadorja e parë e SHBA-së në Kosovë. Ne jemi mirënjohës për shërbimin e saj”, ka shkruar ai.
Diplomatja amerikane, Tina Kaidanow ka vdekur të mërkurën në moshën 59 vjeçare.
Ajo ka shërbyer si Shefe e Zyrës së Shteteve të Bashkuara të Amerikës në Prishtinë, para se Kosova ta shpallte pavarësinë dhe kjo zyrë të shndërrohej në Ambasadë./teve1.info/
I was deeply saddened to hear about the passing of Ambassador Tina Kaidanow. I remember meeting her in person in 1998, and ten years later, she became the first U.S. ambassador to Kosova. We are grateful for her service and extend our heartfelt thoughts to her family and friends.
— Albin Kurti (@albinkurti) October 17, 2024
