“Propozimet me shkrim do t’i dërgohen sa më shpejt që të mundemi gjatë javës së ardhshme patjetër dhe bashkë me ministrinë e financave jemi duke punuar në një propozim konkret, ofert përmbajtësore me shkrim të qartë për organizatat e dala nga lufta”, tha ai.
Kurti tha se fjalët veteranë dhe luftëtar e çlirimtar nuk duhet të jenë në një fjali me fjalën pagë, raporton Teve1.info
Ai thotë se paga merret në kohën e tashme të vazhdueshme për punën që e bën e jo për diçka që është bërë para 23 vjetëve.
“Unë nuk besoj që në Republikën e Kosovës fjalën veteran dhe luftëtar e çlirimtar në njërën anë, dhe fjalën pagë në anën tjetër, duhet t’i kemi në të njëjtën fjali. Këto janë beneficione për veteranët si mirënjohje e shoqërisë, por jo pagë. Paga merret në kohën e tashme të vazhdueshme për punën që bën, jo për diçka para 23 vjetëve. Kjo nënkupton që beneficioni nuk bën të lidhet me pagën minimale”, tha ai.
Sipas tij, beneficioni i veteranëve duhet të jetë më i lartë se paga minimale, por për të ndodhur kjo duhet të bëhet pastrimi i listave.
“Unë besoj që beneficioni për veteranët duhet të jetë më i lartë se paga minimale. Por për këtë kam kërkuar që paraprakisht të bëhet një rregullim i listave sepse duhet të vijmë tek e vërteta historike ashtu siç ka qenë. Nuk kemi nevojë ta shtojmë numrin e veteranëve që të ndihemi krenarë”, ka thënë Kurti të shtunën në një konferencë për media. /teve1.info/
