Këto deklarata ai i bëri të enjten gjatë seancës plenare të Kuvendit të Kosovës.
Sipas tij, është e domosdoshme që të ketë takime për shkak se kjo çështje është e një rëndësie të veçantë dhe ka kohëzgjatje edhe pas mandatit të Qeverisë aktuale.
“Unë e falënderoj PDK-në dhe AAK-në për takimet që i kemi pasur për çështjen e Vettingut, LDK ka thënë që takohemi në Kuvend nuk kemi nevojë të takohemi si subjekte politike. Unë besoj se është e nevojshme të takohemi dhe jam i gatshëm të vazhdoj ky proces i konsultimeve jo vetëm se nevojiten ndryshimet kushtetuese por se bëhet fjalë për një proces me shumë vendime që tejkalon mandatin tonë e mbase edhe mandatin pas mandatit tonë”, tha ai.
Tutje, Kurti kërkoi që të mos përfshihen në një vend Byroja për Konfiskimin e Pasurisë së Pajustifikueshme dhe procesi i Vettingut.
“Byroja Shtetërore për Verifikimin dhe Konfiskimin e Pasurisë dhe Vettingu në sistemin e Drejtësisë nuk janë të njëjta nuk është mirë të fusim gjithçka në një thes kur nuk e kanë vendin aty duke e ditur se procesi i Vettingut merrr kohë i vetmi efekt është të shtyhet Byroja dhe ky është gabim. Pra Vettingu në drejtësi dhe Byroja janë dy gjëra të ndryshme”, shtoi ndër tjerash ai./teve1.info/
