Kryeministri në detyrë i Kosovës, Albin Kurti ka thënë se institucionet e Kosovës për drejtësi duhet ta dëshmojnë vetën më së shumti në zbardhjen e rasteve të krimeve të luftës të kryera nga Serbia.
Ai ka thënë se kjo duhet të bëhet për arsye se dëshmitarët po plaken e disa prej tyre kanë vdekur.
“Sot Kosova po shënon Ditën e personave të zhdukur me dhunë gjatë luftës, në kujtim të masakrës në Mejë dhe të gjithë zhdukurve me dhunë nga Serbia. Institucionet e Republikës për drejtësi, duhet ta dëshmojnë veten më së shumti e më së pari në rastet e krimeve të kryera gjatë luftës, për shkak se koha po kalon dhe dëshmitarët po mplaken dhe shumë prej tyre po ndërrojnë jetë”, ka shkruar Kurti në Facebook, pas homazhe që ka bërë në 26 vjetorin e Masakrës së Mejës.
