Ai përmes një postimi në profilin e tij në Facebook, tha se i kërkoi falje profesorit Bekim Baliq të cilit tha se ia ndërpreu fjalën gjatë ceremonisë së promovimit të këtij libri, por shtoi se edhe vet ishte brenda temës.
“I kërkoj falje Prof. Bekim Baliqit që ia ndërpreva fjalimin sot në Fakultetin Filozofik. Por, edhe unë isha brenda temës: promovimi i librit “Nacionalizmi” i Enis Sulstarovës, të cilin nuk e di se a e kam më shumë mik apo profesor, por sigurisht që të dyja këto. Studentëve e të pranishmëve të tjerë u thashë kushdo që don të merret me politikë, por edhe kushdo që nuk don të merret me politikë, për shkak të historisë apo për hir të ardhmërisë, duhet ta dëgjojë e lexojë profesorin e sociologjisë Enis Sulstarova”, shkroi Kurti në Facebook.
Kryeministri Kurti njoftoi se nga aty e vazhdoi udhëtimin për Klinë e Istog, ku është paralajmëruar se do të ketë vizita në disa fabrika.
