Kryeministri në detyrë, Albin Kurti, në një intervistë për emisionin “Këndi i Debatit” në tëvë1 ka sqaruar arsyen pse i ka quajtur deputetët opozitarë ‘nomadik’.
Kurti ka thënë se këtë term nuk e ka përdorur me qëllimin për t’i ofenduar, porse, sipas tij, kjo figurë nga jeta e përshkruan më së miri dikë që nuk dëshiron të ketë një ‘shtëpi’,
“Unë kam thënë që Kuvendi i Republikës është shtëpia e deputetëve të legjislaturës, deputetët duhet të kenë shtëpi. Si ti quaj deputetët të cilët nuk duan të kenë shtëpi? Se njeriu mund të mos ketë shtëpi përkundër se dëshiron, por edhe mund të mos dëshiroj të ketë shtëpi, e figura që më ka rënë në mend është figura e nomadit. Nomadi nuk dëshiron të ketë shtëpi, ky është thelbi i tij dhe deputetët që vijnë në ndërtesën e Kuvendit nuk e konstituojnë atë si shtëpinë e tyre i kam quajtur deputetë nomadik, por nuk i kam quajtur për ta ofenduar askënd. I kam quajtur për shkak se mua më duket që kjo është figura nga jeta dhe historia e cila i përshtatet dikujt i cili nuk dëshiron të ketë shtëpi”, ka deklaruar Kurti.
Megjithatë, ai ka theksuar se përdorimi i kësaj shprehjeje nga ana e tij, nuk krahasohet aspak me fjalorin e përdorur ndaj tij nga opozita gjatë katër viteve të fundit.
“Nëse e shikoni çfarë më kanë thënë ata mua prapë mbetet e pa krahasueshme situate. Veç kujtoni çfarë kanë thënë katër vite për kryeministrin e këtij shteti. Por tash përpjekja është që një fjalë e imja tash peshon më shumë se katër vjetë fjalët e tyre marrë së bashku, nuk është fer. Çka më kanë thënë këta mua, unë nuk do të duhej të takohesha kurrë me ta. Pra, këta e gjetën një fjalë timen, por janë me qindra çfarë më kanë thënë mua”, është shprehur Kurti./teve1.info/
