Kryeministri i Republikës së Kosovës, Albin Kurti ka mirëpritur katër gazetarët afganë që kanë mbërritur mbrëmjen e së hënës në Kosovë, në kuadër të programit “Journalists in Residence – Kosova”, financuar nga Qeveria e Republikës së Kosovës.
Kryeministri Kurti ka shkruar se Qeveria do të qëndrojë gjithmonë pranë dhe do të mbështesë ata që kërkojnë lirinë përballë shtypjes.
ADVERTISEMENT
“Kosova tani është shtëpia e 4 gazetarëve afganë, të cilët personalisht i prita në vendin tonë sot si përfituesit e fundit të programit Gazetarët në Rezidencë. Qeveria jonë do të qëndrojë gjithmonë pranë dhe do të mbështesë ata që kërkojnë lirinë përballë shtypjes”, ka shkruar Kurti në Tëitter.
