Kurti ka thënë se nga kancelari Nehammer ka kërkuar që Austira të shtyje përpara vendimin për liberalizimin e vizave në Këshillin Evropian.
“Nga kancelari kërkova që Austria të shtyjë përpara vendimin për liberalizimin në Këshillin Evropian të Bashkimit Evropian sepse ky është një vendim i vonuar që po dëmton jo vetëm qytetarët por edhe bizneset dhe ekonominë e Kosovës”, deklaroi ai.
Ai tha se Austria është njëra ndër shtetet e para që ka njohur pavarësinë e Kosovës.
“Austria është një ndër shtetet e para që ka njohur pavarësinë e Kosovës dhe hapi ambasadë në vendin tonë. Biseduam për marrëdhëniet tradicionalisht të forta ndërmjet vendeve tona dhe mundësit e thellimit të tyre. E sigurova kancelarin që Kosova vazhdon të mbetet partner i qëndrueshëm dhe i besueshëm”, tha Kurti.
Shefi i ekzekutivit të Qeverisë ia ka potencuar Nehammerit rëndësinë e anëtarësimit të Kosovës në Këshillin e Evropës.
“Po ashtu biseduam për situatën e re politike dhe nevojën për kujdes të shtuar në këtë pjesë të Evropës, potencova rëndësinë e anëtarësimit të Kosovës në Këshillin e Evropës si dhe përshpejtimin e agjendës drejt integrimit të anëtarësimit në BE”, ka thënë ai.
Kurti tha se Kosova duhet të përfitojë më shumë nga fondet e BE-së dhe “këtë e kërkojë nga kancelari, pasi Austria si anëtare me ndikim brenda Bashkimit Evropian mund të na ndihmojë”. /teve1.info/
