Kryeministri i Kosovës, Albin Kurti, ka thënë se Kamal Harris e cila pritet të nominohet si kandidate Partisë Demokrate në zgjedhjet e ardhshme të nëntorit në ShBA, i ka surprizuar të gjithë në natë e parë të Konventës Kombëtare Demokratike.
Kurti ka njoftuar se para fillimit të konventës ka zhvilluar takime me ish-Sekretarin e Përgjithshëm të NATO-s, Lord George Robertson, ish-Ministren e Punëve të Jashtme të Suedisë, Ann Linde si dhe Presidenten e NDI Tamara Wittes
“Ajo na surprizoi të gjithëve duke mbajtur një fjalë përshëndetëse që në mbrëmjen e parë, teksa folës kryesorë ishin ndër të tjerë Presidenti i ShBA-ve Joe Biden, Zonja e Parë, Jill Biden, ish-kandidatja e Partisë Demokrate për presidente, Hillary Clinton si dhe kongresistja e Neë York-ut, Alexandria Ocasio-Cortez”, ka shkruar Kurti.
Ai ka njoftuar se në ditën e dytë të Konventës, organizohet diskutimi me titull “Konventa Kombëtare Demokratike dhe Roli i Partive Politike”, ku do të jetë pjesëmarrës në panelin hapës.
