Kryeministri i Kosovës, Albin Kurti, ka deklaruar se dhjetë komunat me shumicë serbe në Kosovë, kanë marrë mesatarisht 62 për qind më shumë buxhet për kokë banori, si dhe 89 për qind më shumë shpenzime kapitale për kokë banori se 28 komunat e tjera, 27 prej të cilave janë me shumicë shqiptare, raporton teve1.info
Parmes një postimi në Twitter, Kurti ka shkruar se këto të dhëna janë marrë për 14 vitet e fundit nga Ministria e Financave, derisa ka shtuar se gjashtë komuna me shumicë serbe që janë në jug, kanë performuar vazhdimisht më mirë se katër të veriut.
“Politikanët serbë dhe udhëheqësit komunalë në 6 komunat jugore ishin të gatshëm dhe në gjendje të planifikonin, siguronin dhe zbatonin më shumë infrastrukturë arsimore, shëndetësore dhe transporti për qytetarët e tyre sesa 4 komunat në veri”, ka shkruar Kurti në Twitter.
Ndërkohë, në një nga tri cicërimat e publikuara në llogarinë e tij, Kurti ka thënë se komuniteti ndërkombëtar duhet të kërkojë llogari nga Qeveria e Serbisë për privimin e katër komunave veriore nga zhvillimi.
“Komuniteti ndërkombëtar duhet të kërkojë llogari nga Qeveria e Serbisë për privimin e këtyre 4 komunave veriore nga zhvillimi i duhur. Detyrimi i saj ndaj qytetarëve vendas nëpërmjet një grushti kriminelësh, të udhëhequr nga paratë, narkotikët dhe trafikantët e armëve në listën e zezë të Thesarit të SHBA-së, duhet të dënohet publikisht”, ka shkruar ndër të tjera Kurti.
Ten Serb-majority municipalities in 🇽🇰 have received on average 62% more budget (as a whole) per capita, as well as 89% more in capital expenditures per capita than the other 28 municipalities, 27 of which are Albanian-majority.
— Albin Kurti (@albinkurti) February 7, 2023
Serb politicians and municipal leaders in the 6 southern municipalities were willing and able to plan, secure and implement more education, health, and transport infrastructure for their citizens than the 4 in the north.
— Albin Kurti (@albinkurti) February 7, 2023
The int’l community should hold Serbia’s Govt accountable for depriving these 4 northern municip. of proper dev. Its coercion of local citizens via a handful of criminals, led by US Treasury-blacklisted money, narcotics, and weapons traffickers, should be publicly condemned.
— Albin Kurti (@albinkurti) February 7, 2023
