Kryeministri i Kosovës, Albin Kurti, ka kujtuar veprimtarin dhe ish-nënkryetarin e parë të LDK-së, Fehmi Aganin, i cili ishte vrara 25 vite më parë nga forcat serbe.
Kurti, ka thënë se Agani ishte një nga intelektualët më të shquar dhe më të angazhuar politikisht në vitet e 90-ta.
Ai ka thënë se Agani shihej si një figurë politike racionale që mund të shërbente si një busull mes turbullirave politike të kohës në Kosovë.
“Fehmi Agani ishte një nga intelektualët më të shquar dhe më të angazhuar politikisht në vitet ’90, si nënkryetar i partisë Lidhja Demokratike e Kosovës. Në dekadën e fundit të shekullit të kaluar, Fehmi Agani shihej si një figurë politike racionale që mund të shërbente si një busull mes turbullirave politike të kohës në Kosovë. Aktiviteti politik i tij dhe angazhimi i Profesor Aganit për lirinë e Kosovës, e kanë fiksuar biografinë e tij në historinë politike të Kosovës”, ka shkruar Kurti.
