Kryeministri i vendit, Albin Kurti ka organizuar mbrëmë pritjen lamtumirëse për ish-ministrin e Mbrojtjes, Armend Mehaj.
Me këtë rast, Kurti e ka falënderuar Mehajn për shërbimin e tij gjatë këtyre dy viteve në qeverisje, përcjell teve1.info
“Armend, në emrin tim, dhe në emrin e të gjithë Qeverisë, të falemnderit përzemërsisht për punën dhe shërbimin tënd gjatë këtyre dy vjet e pesë muajve të fundit. Falemnderit që, edhe pse fizikisht larg Kosovës, kurrë s’ke qenë larg me mendje e zemër. Dhe kurrë s’ke harruar se sa shumë i kemi borxh atdheut tonë, Republikës sonë”, ka shkruar Kurti në Facebook, teksa ka publikuar pamje nga ndeja e organizuar.
Pas dorëheqjes së Mehajt nga pozita e ministrit të Mbrojtjes, kryeministri Kurti ka emëruar Ejup Maqedoncin në krye të këtij dikasteri. /Teve1.info/