Kryeministri i vendit, Albin Kurti ka zhvilluar sot një bisedë telefonike me ministrin e Punëve të Jashtme të Turqisë, Hakan Fidan.
Më këtë rast, Kurti e uroi ministrin turk për rezultatet e zgjedhjeve dhe detyrën e re “duke i ofruar bashkëpunim të plotë dhe të ngushtë në avancimin e mëtejmë të marrëdhënieve bilaterale mes Republikës së Kosovës dhe Turqisë”, përcjell teve1.info
Përmes një njoftimi, zyra e Kryeministrit bën të ditur se gjatë këtij takimi u bisedua për bashkëpunimin në fushën e sigurisë dhe mbrojtjes, teksa u diskutua edhe për zhvillimet aktuale.
Teksa Kurti e falënderoi ministrin Fidan për mbështetjen e Turqisë ndaj Forcave të Sigurisë së Kosovës.
“U bisedua për bashkëpunimin në fushën e sigurisë dhe mbrojtjes me ç‘rast, kryeministri Kurti e falënderoi ministrin Fidan për mbështetjen e Turqisë ndaj Kosovës në kuadër të NATO-s si dhe mbështetjen ndaj Forcave të Sigurisë së Kosovës. Kujtojmë se së fundmi arsenalit të ushtrisë sonë i janë shtuar edhe dronë Bayraktar TB-2 të cilët janë blerë pikërisht nga Turqia. Duke vlerësuar bashkëpunimin e ngushtë ndërmjet Republikës së Kosovës dhe Turqisë, në takim u bisedua edhe për zhvillimet aktuale me interes të përbashkët”, bëhet e ditur në njoftim.
Kurti gjithashtu e ka ftuar ministrin turk për vizitë në Kosovë. /Teve1.info/
