Kryeministri i Kosovës, Albin Kurti, priti në një takim lamtumirës Ambasadorin e Hungarisë në Prishtinë, József Bencze.
Në komunatën për medie thuhet se në këtë takim Kurti ka falënderuar ambasadorin Bencze për bashkëpunimin e deritanishëm dhe ka vlerësuar angazhimin e tij për thellimin dhe zgjerimin e marrëdhënieve mes vendeve.
“Në këtë takim të fundit gjatë mandatit të tij, kryeministri Kurti e falënderoi ambasadorin Bencze për bashkëpunimin e deritanishëm dhe vlerësoi angazhimin e tij për thellimin dhe zgjerimin e marrëdhënieve bilaterale ndërmjet Kosovës dhe Hungarisë, si dhe për projektet e përbashkëta në fusha të ndryshme, veçanërisht në edukim, ku dhjetra studentë nga Kosova po studiojnë në Hungari dhe në kulturë ku përmes marrëveshjeve të ndryshme po zgjerojmë bashkëpunimin”, njofton Zyra e Kryeministrit.
“Duke shprehur mirënjohje për kontributin e tij për Republikën e Kosovës, Kryeministri Kurti i uroi ambasadorit Bencze suksese në angazhimet e tij të radhës”, thuhet tutje./teve1.info./
