Kurti tha se ekspozita personale e Rexhep Selimit në Muzeun Kombëtar të kosovës do të rri hapur deri më 4 dhjetor.
“Koha me figurat e përtejme të pikturës sonë, ngjyra, forma, tinguj në tablotë e Rexhep Selimit mposhtin peizazhin e ftohtë të mureve gri. Më herët koha e rimuar e këngëve vishte peizazhin e ashpër të çlirimit. Ekspozita personale e Rexhep Selimit, “Në garë me botën gri”, në Muzeun Kombëtar të Kosovës, do të rri e hapur deri më 4 dhjetor”, ka shkruar Kurti në rrjetin social Instagram.
Po ashtu, sot pas hapjes së ekspozitës së ish-ushtarit të UÇK-së, Rexhep Selimi në Prishtinë, kryetari i Kuvendit, Glauk Konjufca tha se Selimi përmes punës së tij, po “komunikon me ne”.
Gjatë dy vjetëve qëndrim në paraburgim në Hagë, Rexhep Selimi i pikturoi 200 piktura.
Ai ndodhet atje nga nëntori i vitit 2020, nën akuzat për krime lufte e krime kundër njerëzimit. /Teve1.info/
