Ai këto komente i bëri gjatë takimit që zhvilloi me presidentin e Maltës, George Vella, i cili po qëndron për vizitë zyrtare në Kosovë.
Kurti, poashtu duke theksuar raportet ndërmjet dy vendeve, foli për rëndësinë e rritjes së bashkëpunimit në ekonomi dhe shkëmbime tregtare.
“Kryeministri shtoi se marrëdhëniet e mira ndërmjet Kosovës dhe Maltës duhet të shoqërohen me bashkëpunim edhe më të shtuar në fushën e ekonomisë dhe të shkëmbimeve tregtare, teksa theksoi edhe rolin e rëndësishëm që Malta mund ta luajë në raport me disa shtete mos-njohëse dhe integrimin e mëtejmë të Kosovës në organizata ndërkombëtare”, ka thënë Kurti thuhet në komunikatën e Qeverisë, raporton teve1.info.
Presidenti Maltës theksoi mbështetjen e vendit të tij për Kosovën, duke shtuar se vendi ka plotësuar kriteret për liberalizim të vizave.
“Mbështetja e Maltës për Kosovën ka qenë përherë e sinqertë dhe se do të vazhdojë të jetë e tillë edhe më tej. Ajo mbështetë plotësisht perspektivën evropiane të Kosovës, konsideron se Kosova ka plotësuar të gjitha kriteret për liberalizim të vizave dhe është e gatshme që të ndihmojë Kosovën në anëtarësimin e mëtutjeshëm në organizata ndërkombëtare dhe me vendet mos-njohëse. Marrëdhëniet tona dypalëshe nuk kanë kufij”, u shpreh presidenti Vella.
Në takim gjithashtu u fol edhe për bashkëpunimin rajonal, Procesin e Berlinit, perspektivën evropiane të Ballkanit Perëndimor, ballafaqimin me krizën evropiane energjetike dhe sigurinë e rajonit e të kontinentit pas agresionit të provokuar të Federatës Ruse ndaj Ukrainës.
Presidenti i Maltës të dielën ka takuar edhe presidentet Vjosa Osmani dhe kryetarin e Kuvendit Glauk Konjufca./teve1.info/
