Kryeministri i Kosovës, Albin Kurti, e ka takuar kryetarin e Akademisë së Shkencave dhe Arteve të Kosovës, Mehmet Kraja, raporton teve1.info
Sipas një komunikate për medie të Qeverisë, Kurti e Kraja kanë diskutuar për realizimin e projektit të nisur nga mbledhja e dy qeverive shqiptare vitin e kaluar, krijimin e një enciklopedie shqiptare.
“Në takim u theksua rëndësia e projektit madhor mbi enciklopedinë shqiptare, i nisur nga Qeveria e Republikës së Kosovës dhe Qeveria e Republikës së Shqipërisë në mbledhjen e përbashkët të vitit të kaluar.
Akademiku Kraja shprehu përkushtimin e tij dhe të Akademisë së Shkencave dhe Arteve të Kosovës për hartimin e Enciklopedisë shqiptare, teksa e njoftoi kryeministrin me punën dhe arritjet kryesore të Akademisë”, thuhet në komunikatën e Qeverisë.
