Kurti përmes një shkrimi në “Facebook” e ka dënuar ashpër këtë sulm, ndërsa ka thënë se rasti do të zbardhet nga organet e hetuesisë.
Kurti gjithashtu ka garantuar të gjithë qytetarët se Policia e Kosovës është e angazhuar maksimalisht në kryerjen e detyrave të saj me qëllim të mbrojtjes së jetës dhe pronës së të gjithëve pa dallim.
“E dënoj ashpër sulmin ndaj dy qytetarëve të Kosovës në Shtërpcë. Thellësisht i brengosur për plagosjen e tyre. Sipas informatave, të rinjtë 11 dhe 21 vjeçar janë jashtë rrezikut për jetë dhe ju dëshiroj shërim të shpejtë. Policia e Kosovës veçse ka arrestuar të dyshuarin i cili pa asnjë mëdyshje duhet dhe do të përballet me organet e drejtësisë. Njësitet relevante do të vazhdojnë hetimet deri në zbardhjen e të gjitha rrethanave të këtij akti të papranueshëm dhe të dënueshëm. Dua të siguroj të gjithë qytetarët se Policia e Kosovës është e angazhuar maksimalisht në kryerjen e detyrave të saj me qëllim të mbrojtjes së jetës dhe pronës së të gjithëve pa dallim”, kas shkruar Kurti.
Policia sot bëri të ditur se një 11-vjeçar dhe një 21-vjeçar janë plagosur në fshatin Drajkovc të Shtërpcës. Ndërsa, par kohë më vonë është arretsuar personi i dyshuar për plagosjen e tyre. Sipas njoftimit të PK-së, i dyshuari është i moshës 33-vjeçare. /Teve1.info/
