Kryeministri në detyrë dhe njëherësh kryetari i LVV-së, Albin Kurti, në fjalimin e tij në mbledhjen e 58 të Këshillit të Përgjithshëm të partisë së tij ia ka kushtuar ngjarjeve të fundit të ngërçit politik.
I pari i kësaj partie ka deklaruar për të formuar konstituimin e Kuvendit, ka ftuar kryetarët e partive të PDK-së dhe LDK-së, por sipas tij këto dy parti deklaruan se nuk duan marrëveshje për procedurë, por marrëveshje politike.
Madje, ai tregoi se ia dorëzoi edhe një letër LDK-së për marrëveshje politike, por prapë ky subjekt politik e refuzoi.
Ndërkaq, Kurti deklaroi se partia e tij dëshiron qeveri normale, jo qeveri tranzitore dhe të përkohshme.
“Për të ndihmuar daljen nga kjo bllokadë drejt konstituimit të Kuvendit, unë i ftova kryetarët e partive PDK dhe LDK meqë të dyja ato do të kenë nënkryetarë Kuvendi, por ky i dyti refuzoi të vijë kurse deputetët e LDK-së deklaruan që nuk na nevojitet marrëveshje për procedurë, por marrëveshje politike. E shkrova një letër tjetër për marrëveshje politike, për koalicion LVV dhe LDK, por edhe ajo u refuzua. Ne duam qeveri normale, jo qeveri të përkohshme, tranzitore, teknike apo qeveri të opozitës”, ka deklaruar Kurti.
Tutje ai tha se Kuvendi i Kosovës s’themelohet nga fituesi, pavarësisht a është fitues absolut apo relativ, por Kuvendi duhet të themelohet nga të gjithë bashkë.
