Kryeministri i Kosovës, Albin Kurti në adresimin e tij në mbledhjen e Qeverisë së Kosovës, ka kujtuar veprimtarin e çështjes kombëtare, Adem Demaçi dhe Policët e Kosovës të rënë në detyrë.
Ai ka thënë se drejtësia për vrasjen e policit të njësisë speciale, Enver Zymberi, tha se drejtësia dhe dënimi për vrasësit e tij është domosdoshmëri.
Kurti tha se bashkë më të kujtojmë edhe 22 pjesëtarët tjerë të PK-së sakrifica e të cilëve është bërë shembull për brezat e ri në Policinë e Kosovës.
“Drejtësia dhe dënimi për vrasësit e tij është domosdoshmëri, ndërsa vijimësia e angazhimit të kolegëve të tij në çdo cep të Republikës tonë është shembulli më i mirë që kemi mes nesh. Emrin e tij do ta lartësojmë me zbulimin e plakës përkujtimore në kampin Belvedere, ku ky kamp do të emërohet me emrin e Enver Zymberit. Sot bashkë më të kujtojmë 22 pjesëtarët e rënë në krye të detyrës në situata të ndryshme, sakrifica e të cilëve u bë një soj shembull i ri i brezave të ri të Policisë së Kosovës të cilët sa vijnë e shtohen”, tha Kurti.
Ndërsa, në kujtim të veprimtarit të çështjes kombëtare, Adem Demaçi, në pesë vjetorin e vdekjes së ti, Kurti tha se për të liria dhe jeta ishin një.
“Përkujtimi për jetën dhe veprën e tij, është rikujtimi më i mirë për shërbimin, për sakrificën, për qëndresën dhe për idealin. I kaloi gjithsej 28 vjet nëpër burgje, e mbeti i pathyeshëm përherë. Përballë pushteteve shtypëse jugosllave e serbe mbi shqiptarët, për asnjë moment nuk pranoi kompromise me lirinë, edhe atëherë kur iu mohua liria, e iu kërcënua jeta. Sepse për Bacën Adem, liria dhe jeta ishin një. Jetën për liri. Lirinë deri në vdekje. Përkulemi para veprës së tij, me zotimin për t’i qëndruar besnik mësimeve dhe trashëgimisë që la pas.”, tha Kurti./teve.info/
