Kryeministri i Kosovës, Albin Kurti, ka thënë se vizita Sekretarit të Përgjithshëm të NATO – s në Kosovë, Jens Stoltenberg, e planifikuar për 20 nëntor dëshmon për angazhimin e kësaj aleance ushtarake për sigurinë e Kosovës.
Kurti në platofrëm X ka shkruar se me synimin e Rusisë për destabilizim të Ballkanit Perëndimor, rruga më e sigurt drejt paqes është që Kosova t’i ipet statuti i vendit kandidat në BE dhe integrimi në NATO.
“Vizita e ardhshme e Jens Stoltenberg në Kosovë dëshmon se angazhimi i NATO-s është i vendosur për sigurinë tonë. Me BE që ekspozon zyrtarisht synimin e Rusisë për të provokuar një konflikt të ri në BB6, rruga më e sigurt drejt paqes së qëndrueshme është dhënia Kosovës e statusit të kandidatit në BE dhe integrimi në NATO”, ka shkruar Kurti.
Sekretari i NATO-së të hënën do të vizitojë Kosovën, ku do të takohet me presidenten, Vjosa Osmani me të cilën do të ketë konferencë për media dhe kryeministrin Albin Kurti.
Ai do të vizitojë edhe trupat e NATO-s në Kosovë, ku pritet që të ketë edhe një fjalim para tyre.
