Kryeministri i Kosovës, Albin Kurti ka takuar Shefin e Zyrës së Bashkimit Evropian në Kosovë, Aivo Orav
Në këtë takim sipas komunikatës së Qeverisë është diskutuar për hapat e ardhshëm për konstituimin e përbërjes së re të Kuvendit dhe formimin e Qeverisë.
Poashtu në takim është disktuar edhe për heqjen e masave ndaj Kosovës.
“Gjatë takimit, ambasadori Orav vlerësoi pozitivisht procesin zgjedhor të 9 shkurtit, duke e cilësuar atë si të rregullt dhe pa incidente dhe theksoi se pozitivisht është vlerësuar edhe nga Brukseli. Ambasadori Orav e uroi kryeministrin për fitoren dhe rezultatin në këto zgjedhje. Bashkë, diskutuan për hapat e mëtejmë drejt konstituimit të Kuvendit dhe formimit të Qeverisë së re të Republikës së Kosovës. Gjithashtu, në takim u diskutua edhe për domosdoshmërinë e heqjes së masave ndaj Kosovës nga Bashkimi Evropian dhe nevojën për shqyrtim sa më të shpejtë të aplikimit të Kosovës për anëtarësim në BE”, thuhet në komunikatë./teve1.info/
