Sulmuesi i krahut, Albion Kurtaj do të jetë përforcimi i parë i Lirisë së Prizrenit këtë verë.
Klubi që bën gara në Ligën e Parë, ka paralajmëruar një transferim kurse Tëvë 1, ka mësuar së bëhet fjalë për sulmuesin Kurtaj.
26-vjeçari ka marrëveshje me Lirinë dhe pritet të zyrtarizohet së shpejti te skuadra nga Prizreni.
Sezonin e fundit, Kurtaj ishte pjesë e Ferizajt në Superligë, ku realizoi 3 gola dhe bëri 4 asistime në 33 ndeshje të luajtura.
Ditë më parë, Liria u zyrtarizoi trajnerin Klodian Duro për sezonin 2025/26 dhe menjëherë ka nisur punën për ta forcuar ekipin, me Kurtajn që bëhet përforcimi i parë.
