Në 26-vjetorin e 15 të zhdukurve gjatë luftës në Ferizaj, këtë të mërkurë u mbajtën homazhe.
E aty u tha se asnjëra Qeveri nuk ka punuar mjaftueshëm për fatin e të pagjeturve.
Kryetari i Shoqatës së Familjarëve të Personave të Zhdukur “Yjet e Zemrave”, Salih Muhaxheri tha se deri tani, kanë marrë vetëm fjalë.
“Secila qeveri që ka ardh ka thanë që e kemi prioritet të parë çështjen e të pagjeturve, por si po duket kjo nuk po ndodh. Qe gati 4 vite u bënë shumë, shumë pak kemi identifikime për të pagjeturit. E sidomos komuna e Ferizajt më thuaja kurrë nuk është gjetur asnjë person ky numër ka ngel që 15 vite e më tepër”, tha ajo.
Për t’i nderuar familjarët e personave të zhdukur të kësaj zone i pranishëm ishte edhe deputeti i zgjedhur i PDK-së, Rashit Qalaj.
“Çështja e fatit të pagjeturve është plaga më e madhe që ka shoqëria kosovare dhe ne nuk mundem e as nuk duhet të kënaqemi me lirinë qe e kemi pa e gjetur secilin individ që është i zhdukur në Kosovë”, tha Qalaj.
Në qytetin e Ferizajt janë 15 qytetarë të zhdukur, të cilët edhe pas 26 vitesh mbeten të pagjetur.
