Kameramani, Sylejman Kllokoqi ka rrëfyer disa raste të ndjeshme të cilat i ka përjetuar gjatë luftës në Bosnje e Hercegovinë.
Kllokoqi ka treguar një rast kur kishte rënë një granatë dhe e kishte plagosur një fëmijë, duke ia humbur dorën.
Pyetja që fëmiu ia kishte bërë nënës së tij e kishte përlotur Kllokoqin.
“Ne jemi shumë të ndjeshëm për fëmijë. Hera e parë kur kanë filluar me më shku lotët, hera e parë kur kanë filluar se kuptohet mandej kam pasur lot por kamerën kurrë s’e kam lëshuar. Është një nanë në të cilën bjen një granatë dhe plagosen shumë. Ndër ta plagoset edhe një fëmijë, 10 vjet më duket ka qenë. E çojnë në spital dhe nana shkon mas 2-3 ditëve me vizitu fëmijën. Ai e kishte humb njërin krah, dorën dmth komplet. Unë isha t’u e përcjell nanën ashtu një tregim duke e bërë, se po shkon për herë të parë pas plagosjes me e pa fëmijë, kur i kthehet fëmiu i thotë: Kur do të më rritet dora? Në atë moment më kanë shkuar lotët, por kamerën e kam mbajtë gjallë”, ka rrëfyer Kllokoqi në emisionin ResPublika në Tëvë1.