Trofeu i Kupës së Kosovës në hendboll në të dy konkurrencat, ka shkuar në qytetin e Ferizajt.
Hendbollistet e Ferizajt dhe hendbollistët e Kastriotit, kanë triumfuar në finalet e luajtura të dielën në palestrën “Karagaçi” në Pejë. Ferizaj që për herë të parë në histori të klubit triumfoi në Kupë, në finale e mposhti Istogun, ekip që në dy edicionet e fundit ishte i pakonkurrencë në këtë garë.
Ferizaj triumfoi me rezultatin e ngushtë 28:27. Salemateu Camara ishte më efikasja te Ferizaj me shtatë gola. Ana Carolina Gomes i kishte 11 gola për Istogun.
Ndërkohë, Kastrioti në finalen e meshkujve e mposhti Besa Famgasin me shifrat 34:32. Më i dalluari te Kastrioti ishte Deniz Terziqi, i cili shënoi 16 gola. Ndërsa, te Baesa Famgas u veçua Igor Chiesliov me 10 gola të realizuar.
