Njohësit e zhvillimeve politike shohin kundërthënie mes deklaratave të krerëve të shtetit sa i përket çështjes së themelimit të asociacionit të komunave me shumicë serbe.
Shtetin e udhëheqin bashkë. Por qëndrimet nuk i kanë të krejt të njëjta.
Fillimisht kryetari i kuvendit, Glauk Konjufca duke folur për asociacionin e komunave me shumicë serbe tha që Bashkimi Evropian s’mund t’ia marrë kompetencat e as të vendosë për Kosovën
Sipas tij, shtetit i garantohet e drejta të paraqesë një draft-status të asociacionit, pavarësisht se e pranon që Kosova është vonuar për ta paraqitur një draft të tillë deri më tash.
Një ditë pas, kryeministri Kurti, duke folur për asociacionin, tha që kryeministrat nuk formojnë asociacione komunash
Blegzim Kamberi nga instituti për politika sociale “Musine Kokalari” thotë se ka kundërthënie edhe në mes krerëve të shtetit për zbatimin e Asociacionit të Komunave me shumicë serbe.
Nga ana tjetër, ish ambasadori i Kosovës, Avni Arifi mendon që ajo çfarë tha kryeministri Kurti të martën në konferencë nuk qëndron.
“Ajo çfarë tha Kryeministri dje ishte krejt veq një “dërdëllitje pa vlerë”. Asgjë çfarë tha nuk qëndron. Ky kryeministër që ka pranuar Marrëveshjen e Brukselit dhe të Ohrit e po ashtu ky Kryeministër që ka bërë zotim me shkrim sedo ta bëj asociacionin kur ishte anëtarësimi për në Këshill të Europës paska “zbuluar” se asociacioni s’është punë e Kryeministrit?! Llafe koti. BE deri në Janar të 2023 nuk e ka lejuar Kosovën që të prodhojë draft statut sepse kjo ishte detyrë e “ekipit menaxhues”serb. Por pas dështimit total të tyre Qeveria Amerikane ja ka hap derën Kosovës që vet të prodhoj statut. Kurti me një patriotizëm fallco refuzoj dhe kështu lindi drafti i Lajcakut i cili sot është dokument zyrtar i përkrahur nga të gjitha shtetet e BE dhe SHBA. Ruaje zot Kosovën nga patriotizmi i Kurtit”, tha ish-ambasadori i Kosovës në Emiratet e Bashkuara, Avni Arifi.
Si jo serioze deklaratën e Kurtit për asociacionin e panë edhe opzitarët.
Televizioni për dy ditë rresht ka kërkuar një qëndrim edhe nga Bashkimi Evropian për këtë çështje, mirëpo të njëjtit nuk kanë kthyer përgjigje.
