Eksperti i Politikave të Sigurisë dhe Gjeopolitikës, Ilir Kulla duke folur për zgjedhjet e fundit në Maqedoni të Veriut dhe rezultatin e këtyre zgjedhjeve, tha se tashmë gara nuk do të jetë mes maqedonasve e shqiptarëve por do të jetë mes vet shqiptarëve.
Madje ai rreshtoi edhe dhjetë pika të cilat sipas tij, do të reflektojnë në pozicionime të mundshme para raundit të dytë të zgjedhjeve.
“Rikthimi i fuqishëm politik i VMRO-së që ishte i pritshëm pas dështimit ndërkombëtarët për t’i dhënë një të ardhme për t’i përshpejtuar një të ardhme shtetit maqedonas pas firmosje së Maqedonisë dhe pranimit nëpërmjet referendumit të ndryshimit të emrit Maqedonia do të duhej të kishte një anëtarësim të shpejtë. Fakti që nuk pati anëtarësim të shpejtë qoi që forca politike që udhëhiqte këtë proces në 2021 humbi t gjitha bashkitë dhe në 2024 erdhëm këtu ku erdhëm.
E dyta, ishte situata ekonomike. Pika e tretë ka të bëjë me faktin që ishin tetë kandidatë por fitoi një kandidate grua. Është e udhës t’iu tregoj që edhe në zgjedhjet e 2021 në Maqedoni VMRO-ja kandidoi një grua në komunën e Shkupit. Unë mendoj se ka ardhur koha që ne shqiptarët t’i aktivizojmë më shumë gratë në politike pasi gruaja është një forcë e madhe.
Katër, shqiptarët nëse do të donin ta kishin seriozisht garën për president do të duhej të garonin me një personalitet të vetëm dhe ne do të kishim sot një balotazh mes shqiptarëve dhe maqedonasve. Jam i sigurtë që do të fitonin maqedonasit por 0 shansë për shqiptarët në raund të dytë sepse shqiptarët hyjnë të përçarë.
E pesta, gara e raundit të parë ne si shqiptarë na projekton atë që unë të thash nga tani e tutje përveç garës shqiptarë maqedonas do të kemi garën shqiptarë- shqiptarë. Dhe kjo garë shpresoj të mos kthehet në një konflikt të mirëfilltë politik.
E gjashta, deri më tani këto katër vite ne kemi asistuar në një qeverisje maqedonase dhe shqiptare mes LSDM-së dhe BDI-së ku i forti në koalicion ishte BDI-ja dhe i dobti ishte LSDM-ja. Tani ne shkojmë në një projeksion ku i forti do të jetë VMRO-ja dhe i dobëti do të jetë partneri i VMRO-së që me gjasë do të jetë Lëvizja VLEN.
E shtata, për herë të parë u pa që apelet ndërkombëtare në Maqedoni nuk është se kanë shumë vlerë, më shumë ka vlerë logjika politike e brendshme.
E teta, për herë të parë në zgjedhje pati ndikim të drejtpërdrejtë edhe politika e Kosovës. Pra nëse në të kaluarën ka pasë ndikim të drejtpërdrejtë politika e Serbisë apo e Bullgarisë këtë radhë ishte Kosova”, tha Kulla në emisionin “Matrix” në Tëvë1./teve1.info./
E nënta që është shumë e rëndësishme është që kjo fushatë u mbështetë shumë me të gjitha elementet e reja si TikTok, Facebook, Snapchat. Iishte fushatë komplet ndryshe nga ato që kemi pa më herët.
E dhjeta, është që kjo fushatë na dëshmoi edhe një herë tjetër që bota shqiptare është e përçarë, e ndarë në tre pjesë”, tha Kulla./teve1.info./
