Eksperti i Politikave të Sigurisë dhe Gjeopolitikës, Ilir Kulla, ka thënë se nëse do të bëhej koalicioni LVV-PDK atëherë kush do të bënte opozitën.
Kjo pasi sipas tij, PDK është mandatuar që ta bëjë opozitën kryesore dhe sipas tij koalicioni më i logjikshëm do të ishte LVV-AAK-Nisma.
Tutje, Kulla tha se logjika e çon aty se pas 14 muajsh vendi do të shkojë në zgjedhje.
“Nëse LVV dhe PDK futen në një koalicion ato futën jo vetëm me çështjen e Gjykatës Speciale. Janë 20 argumenta që duhet që të merren vesh, përveçse rreth qeverisjes e emrit të presidentit… Pastaj pyetja lind nëse bëhet koalicion LVV-PDK atëherë kush do ta bëjë opozitën? Partia e parë opozitare këtu ka dal PDK-ja, është mandatuar që të jetë opozita kryesore, nëse konfirmohen këto numra. Unë më të logjikshme do ta shihja një koalicion me AAK-Nisma. Përveç PDK-së askush nuk e zgjidh problemin për president. Mua logjika më thotë se 14 muaj dhe do të shkojë vendi në zgjedhje”, ka deklaruar ai në emisionin “MATRIX“ në Tëvë1.
Kulla tha se Kurti dhe Haradinaj kanë shumë gjëra të përbashkëta.
“Kurti dhe Haradinaj kanë shumë gjëra të përbashkëta. Ramushi është pragmatist e ka dëshmuar këtë., është luftarak, ka eksperience të gjatë jete dhe politike… por në politik të bashkojnë interesat. Unë pot ë isha në Kosovë do të votoja për Haradinaj. Po të ishin ata që janë në Haga do të kisha votuar PDK-në”, ka deklaruar Kulla.
