Dyert e kullës u hapen qysh herët në mëngjes. E mysafirë nga mbarë trojet shqiptare filluan të vijnë.
Fshati Boletin i komunës së Zveçanit, të martën priti krerë shtetërorë, përfaqësues lokalë, e personalitete politike nga Shqipëria.
Krejt kjo për të nderuar njërin ndër protagonistët e ngritjes së flamurit në Vlorë.
Presidentja Vjosa Osmani e kryekuvendari Glauk Konjufca, theksuan rëndësinë e veprës së Isa Boletinit, në pavarësinë e shqiptarëve.
Nevojën e unitetit të shqiptarëve e theksoi kryetari i komunës së Zveçanit.
Për kryetarin e Mitrovicës së Jugut, Bedri Hamza, e rëndësishme është përkujtimi i veprës së heroit kombëtar, Isa Boletini.
Kulla në Boletin, mysafirë pati edhe nga Shqipëria.
Në mënyrë të organizuar, deputetë të Partisë Demokratike të Shqipërisë, të prirë nga kryetari, Lulzim Basha, nderuan Isa Boletinin.
Basha ngriti lartë, veprën e Boletinit në shtetformimin e Shqipërisë.
Për të shënuar festat e Nëntorit, në Boletin pati edhe deputetë e zyrtarë tjerë shtetërorë të Kosovës.
