Shqipëria ka prezantuar automjetin e parë luftarak të prodhuar nga ajo e quajtur “Shota”.
E këtë veturë e ka vlerësuar të bukur dhe përpjekje modeste të Shqipërisë, eksperti i Politikave të Sigurisë dhe Gjeopolitikës, Ilir Kulla.
Ai në emisionin MATRIX në Tëvë1, ka thënë se prodhimi i kësaj autoblinde është një bashkëpunim shqiptaro-turk.
“Shota është një makinë e bukur, është modeste në përpjekje modeste në fillimet e veta, ka dalë me sukses, është një bashkëpunim shqiptaro-turk, pasi që kompania që e ka bërë është shqiptare, por drejtoresha dhe familjarët e saj kanë jetuar për shumë vite në Turqi, dhe kanë bërë një punë të mirë, xhamat janë bërë në Shqipëri, armatimet janë bërë në Shqipëri, blindatura është bërë në Shqipëri, teknologjia e makinerisë ka ardhur nga Turqia”, shtoi Kulla.
Sipas Kullës, kjo makinë do të jetë e suksesshme, pasi siç tha ai, Policia e Shtetit dhe Forcat e armatosura të Shqipërisë mund t`a përdorin këtë makinë.
“Forma është moderne dhe unë mendoj që kjo do të jetë një makinë shumë e suksesshme me të cilat trupat e ushtrisë ushtarake të Shqipërisë apo të Policisë së Shtetit apo Forcave të armatosura të Shqipërisë mund ta përdorin pasi që është një makinë e cila do jetë edhe ekologjike deri diku por edhe kursyese në raport me karburantin”, ka deklaruar Kulla.
Kulla ka thënë se deri në vitin 1990 Shqipëria ka qenë ndër shtetet me fuqinë më ta madhe në rajon për sa i përket prodhimit të armëve.
“Deri në vitin 1990 Shqipëria ka qenë një nga superfuqitë rajonale të prodhimeve ushtarake dhe të ushtrisë, unë kam qenë pjesë e forcave të armatosura Shqipërisë në atë kohë si student. Dhe mund të them që pavarësisht që vendi ish i varfër nga pikëpamja ushtarake Shqipëria ishte një vend shumë i fortë”, ka thënë ai në emisionin “MATRIX”, në Tëvë1./teve1.info/