Kuleba ka thënë se kishtë pasur “raste të shumta” të përdhunimeve brenda territoreve të pushtuara nga ushtria ruse.
“Kur bombat bien mbi qytetet tona, kur ushtarët përdhunojnë gratë në qytetet e pushtuara – dhe kemi raste të shumta, për fat të keq, kur ushtarët rusë përdhunojnë gra në qytetet ukrainase – është sigurisht e vështirë të flitet për efikasitetin e ligj ndërkombëtar”, tha Kuleba.
“Por ky është i vetmi mjet qytetërimi që kemi në dispozicion për t’u siguruar që, në fund, të gjithë ata që bënë të mundur këtë luftë do të sillen para drejtësisë, dhe Federata Ruse, si një vend që kreu një akt agresioni, do të mbajë përgjegjësi edhe për veprat e saj”, shtoi ai.
Ministri nuk ka dhënë ndonjë provë për të mbështetur pretendimin e tij, mirëpo mediat ukrainase kanë raportuar 11 raste përdhunimi në Kherson, i vetmi qytet i madh i pushtuar nga Rusia.
DailyMail, ka raportuar se Kuleba u bëri thirrje mediave që të përhapin të vërtetën për krimet e Rusisë ndaj Ukrainës.
