Autor: Kreshnik Berisha
Çështja e Kartonit të Gjelbër nuk u zgjidh, ani pse ishte dhe premtim elektoral i Albin Kurtit.
Faton Topalli, ish- deputeti i Lëvizjes Vetëvendosje habitet pse qeveria Kurti nuk ka arritur të zgjidh atë që dikur e kishte quajtur, “strukturë mafioze e cila mbështetej nga qeveritë e kaluara”.
Topalli thotë se zgjidhja gjithmonë ka ekzistuar por Byroja e Sigurimeve nuk do të mund të, sic është shprehur, plaçkiste qindra milionë euro nga paslufta – sipas shifrave të Bankës Qendrore – vetëm duke shitur letra.
Sipas topallit, BSK-ja nuk është aq e fuqishme sa të jetë e paprekshme, por s’kanë qenë të interesuar për të zgjidhur këtë çështje, por t’u pasuruar vetë.
Qeveria e Kosovës për disa vite me radhë po e subvencionon Kartonin e Gjelbër për mërgimtarët, ndonëse çmimet janë ulur dhe sipas Topallit, tashmë është padrejtësi sociale për popullin që jeton në Kosovë.
Se pse nuk është zgjidhur çështja e kartonit të gjelbër nga ana e qeverisë Kurti, ndonëse zv.ministri i Mjedisit Hysen Durmishi kishte deklaruar se kriteret janë plotësuar dhe tani pjesa tjetër është politike, Topalli thotë se tani me këtë qeveri nuk ka fare transparence se ku është gjendja.
Para Qeveria Kurti të merrej me çështjen e Kartonit të Gjelbër, edhe qeveritë e kaluara si ajo Haradinaj 2 përmes zv.kryeministrit Dardan Gashi kishte nisur pastaj hequr dorë nga zgjidhja e çështjes së Kartonit të Gjelbër.
A mund të ndiqen penalisht akterët politik dhe institucional për moszgjidhjen e çështjen së Kartonit të Gjelbër?
Tëvë1 kishte dërguar pyetje në ministrinë e Mjedisit para disa ditësh por nuk ka marrë përgjigje.
