Sigurimi i fondeve për realizmin e premteve të dhëna nga Partia Demokratike e Kosovës gjatë fushatës për zgjedhjet e 9 shkurtit ka ngjallë debat ndërmjet analistit Xhevdet Pozhari dhe Arben Mustafës, kandidat për deputet nga PDK-ja.
Pozhari ka thënë se ka shpërputhje sa i përket premtimeve të dhëna nga PDK për rritje pagash dhe investime kapitale me buxhetin e Kosovës.
Ndërsa, Mustafa ka thënë se program i tyre është i planifikuar dhe i bazuar.
Ai ka thënë se për katër vjet synojnë të kenë të hyra buxhetore në vlerë 17 miliardë euro.
“Parashohim një rritje buxhetore 300 deri në 350 milionë euro në vit duke u bazuar në luftën kundër informalitetit, zgjerimin e bazës tatimore dhe çka është shumë me rendësi se ne nuk kemi hy në këto zgjedhje se ekonominë do ta mbajë kështu siç është. Kemi hyrë me një program të fuqishëm ekonomik që do të sigurojë të hyra shtesë në buxhetin e Kosovës. Në total për 4 vite kemi mi pas diku 17 miliardë të hyra buxhetore”, ka thënë Mustafa në emisionin “Këndi i Debatit” në Tëvë1.
Ndër premtimet e PDK-së është rritje pagash për 50 për qind e pensione mbi 200 euro. PDK ka premtuar investime kapitale në vlerë 6 miliardë euro.
