Është ndër rrugët kryesore të kryeqytetit.
Por, shumë shpejtë kjo rrugë mund ta pres edhe kryekomandantin legjendar.
Kjo meqë Prishtina shpejt pritet të bëhet me shtatoren e Adem Jasharit.
Kjo e fundit, pritet të vendoset në afërsi të Kuvendit të Kosovës.
E kjo po mirëpritet nga qytetarët.
“Është kanë dashur me kohë me vu shtatoren e Adem Jasharit se i vetmi me familje me krejt është fliju”, ka thënë një qytetar.
“Adem Jashari është simbol i rezistencës tonë kombëtare e ka fliju familjen e tij. Si ide dhe projekt është jashtëzakonisht i qëlluar”, u shpreh tutje një qytetar tjetër.
E fituesi i konkursit të hapur për këtë projekt nga Komuna e Prishtinës, pritet të shpallet të martën.
“Projektet të cilat kanë qenë në konkursin e parë nuk kanë qenë të kënaqshme dhe kemi menduar që mundemi si kryeqytet që jemi të kemi një projekt shumë më të mirë e inovativ ashtu siç e meriton vet madhështia e komandantit legjendar Adem Jashari, e cila do të përshkruaj gjithë sakrificën e tij dhe të familjes Jashari. Në kështu se bashku kemi zgjedh edhe një lokacion i cili do të jetë në afërsi të Kuvendit, pra pikërisht në rrugën “Agim Ramdani”, ka thënë Kastrati.
Ndërsa nga OVL-UÇK, kanë thënë për Tëvë1, thonë se nuk ka kuptim që kryeqytetit t’i mungojë shtatorja e Adem Jasharit.
“Ne kërkojmë që sa më parë që të jetë e mundur që kjo mosmarrëveshje mes Komunës së Prishtinës dhe Ministrisë së Kulturës të tejkalohet dhe sa më parë të kemi sheshin dhe shtatoren “Adem Jashari” në kryeqytet. Kur dihet se gjithandej në Tiranë e në Shkup e gjithandej kemi shtatore dhe shesh “Adem Jashari”, është turp i madh që në Prishtinë në kryeqytetin për të cilin dha jetën komandanti edhe familja e tij mos të kemi është e papranueshme”, u shpreh Sopi.
Por për gjithë këtë projekt, Komuna e Prishtinës, është duke e pritur dritën e gjelbër nga Ministria e Kulturës, Rinës dhe Sportit.
Për këtë, edhe Tëvë1, ka dërguar pyetje në këtë dikaster.
Por të njëjtit, nuk janë përgjigjur të martën.
