Njohësi i integrimeve evropiane, Taulant Kryeziu ka folur për masat që mund t’i merr Bashkimi Evropian, nëse Kosova nuk i plotëson kriteret e saj për de-përshkallëzim të situatës në veri.
Kryeziu thotë se nuk pret masa që mund t’i godasin qytetarët.
“Është hipotetike me fol për këtë. Unë nuk pres që do të ketë masa që godasin qytetarët e vendit. Se çfarë masash mund të ketë unë nuk e di. Është herët të diskutohet, unë mendoj që para masave duhet të gjendet një dakordancë me ShBA-në dhe partnerët tanë evropianë, sepse Kosova është e gatshme me i mbajt zgjedhjet. Këtë e kemi dëgjuar nga kryeministri që nuk ka kundërshtuar mbajtjen e zgjedhjeve. Cili është shqetësimi tjetër?”, ka thënë Kryeziu.
Kryeziu thotë se ndërkombëtarët nuk duhet të shqetësohen nëse kapet një kriminel për të cilin ka fakte se ka sulmuar KFOR-in.
“Nëse ai thotë që unë jam për zbatim të ligjit atje, unë nuk besoj që dikush duhet me qenë i shqetësum nëse kapet një kriminel atje, i cili është zënë më zë e figurë duke sulmuar trupat paqeruajtëse të KFOR-it dhe ka me shku para Gjykatës me u përgjigj, jo para kryeministrit. Dhe me u përgjigj siç parasheh ligji, cili është shqetësimi? Po, de-shkallëzimin e zgjedhje patjetër, me u kthy legjitimiteti në atë pjesë. Por edhe Kosova nuk mundet me bo çështje të kryer që valla veriun ju nuk e kontrolloni. Jo, ne duhemi me u bë bashkë, me luftu fortë e me tregu që është veriu pjesë e Kosovës”, ka deklaruar ai në Respublika në Tëvë 1.