Ai tha se kryetarët e komunave me shumicë serbe nuk janë të kënaqur me themelimin e këtij Asocicacioni, pasi që sipas tij, ata frikësohen se u merren kompetencat në shëndetësi, në ambient, në kulturë në shkencë e të tjera.
“Kryetarët e komunave serbe nuk janë të kënaqur me themelimin e këtij Asosicacioni për shkak se u merren kompetencat, në shëndetësi, në ambient, në kulturë në shkencë e kështu me radhë. Andaj nuk kanë karakter të qeverisjes qendrore por kanë karakter të qeverisjes ekzekutive komunale dhe është një lloj organizimi që ju jep më shumë kompetenca minoritetit serb për të pasur një siguri për të mirën e tyre”, tha Kryeziu.
I ftuar në emisionin “Këndi i Debatit”, Ish-anëtar i Gjykatës Kushtetuese tha se komunat janë organe ekzekutive dhe se është detyrë e Qeverisë së Kosovës të krijojnë një projekt statut për implementimin e kësaj marrëveshje
“Detyra e Qeverisë së Kosovës ka qenë deri më tash dhe është që ata të krijojnë një projekt statut për implementimin e kësaj marrëveshje”, shtoi ai.
Rreth një muaj më parë në opinion dolën informacione se Franca dhe Gjermania u kanë dhënë liderëve të Kosovës dhe Serbisë një propozim se si të zgjidhen mosmarrëveshjet mes dy vendeve.
Kujtojmë se marrëveshja e Asociacionit është arritur në Bruksel më 19 prill 2013 në kuadër të Marrëveshjes së Parë për Rregullimin dhe Normalizimin e Marrëdhënieve mes Kosovës dhe Serbisë./Teve1.info/
