Ish-nënkryetari i Gjykatës Kushtetuese të Kosovës, Kadri Kryeziu, ka deklaruar se çdo ndryshim eventual kushtetues që mund të miratohet sonte nuk mund të zbatohet për procesin aktual të zgjedhjes së presidentit të vendit.
Sipas Kryeziut, procedura për zgjedhjen e presidentit duhet të zhvillohet sipas Kushtetutës që ka qenë në fuqi në momentin kur ka nisur procesi.
“Gjykata Kushtetuese u tejkalua nga presioni publik dhe nga presioni i brendshëm i tyre. Edhe nëse bëhen ndryshimet sonte, presidenti i shtetit duhet të zgjidhet në bazë të Kushtetutës që ka qenë në fuqi në momentin kur është nisur procedura”, ka deklaruar ai.
Kryeziu theksoi se edhe në rast se amendamenti kushtetues miratohet gjatë ditës së sotme, ai nuk mund të hyjë menjëherë në fuqi për këtë proces zgjedhor.
Sipas tij, një amendament i tillë do të mund të zbatohej vetëm për zgjedhjen e presidentit në mandatin e ardhshëm.
“Edhe nëse sonte kalon amendamenti, ai nuk mund të hyjë në fuqi. Ai amendament është për zgjedhjen e presidentit pas pesë viteve”, ka shtuar Kryeziu.
Debati për ndryshimet kushtetuese dhe mënyrën e zgjedhjes së presidentit ka nxitur reagime të shumta në skenën politike dhe juridike në vend.
Aktualisht seanca e jashtëzakonshme është live:
