Kryeziu e quajti veprimin e kryeministrit Albin Kurti anti-kushtetues.
“Nominimi i ministrit pas dorëheqjes së ministrit të mëparshëm, e konsideroj në bazë të Kushtetueses se veprimi i kryeministrit është anti-kushtetues. Arsyeja është sepse nëse Kushtetuta parasheh se nëse janë mbi 12 ministri patjetër duhet të jetë edhe një ministër nga komuniteti serb po ashtu edhe një ministër nga komunitetet tjera”, tha ai në emisionin “Ditari” në Tëvë1.
Sipas tij, nëse duhet të nominohet një ministër serb ai paraprakisht duhet të jetë deputetë.
“Nominimi i një ministri serb ka procedura të veçanta të cilat janë të sankonuara nga neni 96 paragrafi 5, i cili sqaron se nëse duhet të nominohet një ministër serb, ai duhet të jetë paraprakisht deputet dhe nëse është deputet nuk ka nevojë të pyetet grupi më i madh parlamentar i komunitetit”, tha ai.
Kryeziu shton se Kurti do të duhej të konsultohej me Listën Serbe, që ata të japin rekomandimet për një personalitet të tyre për ministër.
“Do të duhej të ishte deputet i minoriteteve. Kryeministri është dashur që të konsultohet me listën serbe si komunitet shumicë ose pakicë në parlament të cilët ata duhet të japin rekomandimet për një personalitet të tyre që me qenë ministër për kthim dhe komunitete”, theksoi ai. /Teve1.info/
